Era Comission de Garantia deth Dret d’Accès ara Informacion Publica ei un organ independent, nomentat peth Parlament de Catalonha, a on podetz presentar ua reclamacion gratuïtaments se quinsevolhe administracion publica catalana non a atengut de manèra satisfasenta era sollicitacion d’accès ara informacion publica que li auetz adreçat, per quin que sigue des motius següents:

  • S’era vòsta sollicitacion ei estada denegada, totauments o parciauments.
  • S’era informacion qu’era Administracion vos a liurat non ei era que sollicitèretz o non ei complèta.
  • Se, maugrat qu’era vòsta sollicitacion siguec estimada (exprèssaments o per silenci administratiu positiu un còp transcorrut un mes dempús de que la presentèretz), an ja transcorrut aumens 30 dies sense qu’era Administracion vos n’age mandat era informacion.

Tanben podetz presentar ua reclamacion ena Comission s’ua administracion a facilitat informacion publica qu’afècte es vòsti drets.

Eth termini entà presentar-la ei d’un mes a compdar dera data de notificacion dera desestimacion totau o parciau dera peticion d’informacion o dera data de tèrme deth termini de 30 dies que dispòse era Administracion entà hèr efectiu eth liurament dera informacion. Non cau qu’interpausetz prèviaments un recors de reposicion, mès s’ac auetz hèt, non poderatz presentar era reclamacion enquia qu’eth recors sigue negligit exprèssaments o per silenci administratiu un còp transcorrudi 30 dies dempús de que l’interpausèretz.

Potestativaments, podetz sollicitar qu’era Comission e organize un procediment de mediacion damb era Administracion que reclamatz entà trobar un acòrd laguens deth termini d’un mes.

En cas que non s’arribe a un acòrd en procès de mediacion, o se preferitz non optar-i, era Comission resolverà laguens deth termini de dus mesi dempús qu’auetz presentat era reclamacion e era resolucion serà vinculanta entàs administracions.

Contra es resolucions dera Comission que podetz interpausar un recors contenciós administratiu.